Աստանայում Սիրիայի հարցով բանակցություններ կկայանան

Աստանայում նոյեմբերի 28-29-ը Սիրիայի հարցով բանակցություններ կանցկացվեն. հայտնում է РИА Новости-ն:

Սիրիայի հարցով ՄԱԿ-ի հատուկ բանագնաց Ստեֆան դե Միստուրայի թիմը, նախնական տեղեկություններով, կմասնակցի բանակցություններին: Այդ մասին հայտնել է Ղազախստանի ԱԳՆ ղեկավար Կայրաթ Աբդրահմանովը: Ըստ նրա` հանդիպման ժամանակ կքննարկվեն Իդլիբում տիրող իրավիճակը, փախստականների հարցը, երկրի վերականգնումը,  ձերբակալվածների, պատանդների հարցը:

Նշենք, որ ավելի վաղ դե Միստուրան հայտնել էր, որ անձնական պատճառներով նոյեմբերի վերջին հրաժարական կտա:

Դամասկոսը դե Միստուրային ոչ օբյեկտիվ և ոչ թափանցիկ միջնորդ էր համարում: