Թրամփն աշխատանքից ազատել է իր խորհրդականին Մելանիայի հետ վիճելու պատճառով

ԱՄՆ նախագահ Դոնալդ Թրամփը աշխատանքից ազատել է ազգային անվտանգության հարցերով խորհրդականի տեղակալ Միրա Ռիկարդելին մեկ օր անց այն բանից, երբ ԱՄՆ առաջին տիկինը հրապարակայնորեն պահանջել էր  նրա հրաժարականը. հայտնում է «Դոյչե վելե»-ի ռուսական ծառայությունը:

Ըստ Թրամփի մամուլի խոսնակ Սառա Սանդերսի` նա այլ  պաշտոն կստանա վարչակազմում:

Մելանյան իր մամուլի խոսնակի միջոցով հայտարարություն էր տարածել, որում ասվում էր, որ «առաջին տիկնոջ վարչակազմի կարծիքով` Ռիկարդելն այլևս արժանի չէ աշխատել Սպիտակ տանը»:

Ըստ ամերիկայն ԶԼՄ-ների` Մելանյա Թրամփի և Միրա Ռիկարդելի միջև կոնֆլիկտը տեղի է ունեցել մի քանի օր առաջ` կազմակերպական հարցերի պատճառով` կապված Մելանյայի` Աֆրիկա այցի հետ: