Այսօր կույրերի միջազգային օրն է

Առողջապահության համաշխարհային կազմակերպության (ԱՀԿ) նախաձեռնությամբ այսօր՝ նոյեմբերի 13-ին, կույրերի միջազգային օրն է նշվում (International Day of the Blind):

ՀՀ մարդու իրավունքների պաշտպանի գրասենյակը հաղորդագրություն է տարածել, որում նշվում են տեսողական խնդիրներ ունեցող անձանց առաջնահերթ խնդիրները:

«Պետք է ստեղծել հավասար հնարավորություններ տեսողական խնդիրներ ունեցող անձանց կողմից իրենց իրավունքների հավասար և ինքնուրույն իրացման համար:

Պետք է երաշխավորել ֆիզիկական միջավայրի, տեղեկատվության և ծառայությունների մատչելիությունը. դրա շնորհիվ տեսողական խնդիրներ ունեցող անձինք հնարավորություն կունենան իրենց դրսևորել որպես իրավունքի լիարժեք սուբյեկտ: