Ինձ համար կարևոր չէ, թե որ շենքում եմ աշխատում. Արմեն Սարգսյան

ՀՀ նախագահ Արմեն Սարգսյանի համար կարևոր չէ, թե ինքը որ շենքում է աշխատում: «Կարևոր է աշխատակիցների համար, թե որ շենքն  է ավելի հարմարավետ աշխատանքում: Ցավոք, Մաշտոցի 47-ը, որը հոյակապ, շատ գեղեցիկ շենք է, աշխատակիցների համար հարմար չէ՝ սկսած ջեռուցման, սառեցման և մնացած այլ պայմաններից: Կարծում եմ` Բաղրամյան 26-ն ավելի հարմարավետ է աշխատակիցների համար»,- ասաց նա ԵՊՀ-ում լրագրողների հետ ճեպազրույցում` անդրադառնալով նախագահի նստավայրը Բաղրամյան 26  տեղափոխելու` կառավարության որոշմանը:

Արմեն Սարգսյանը հավելեց, որ Բաղրամյան 26-ը նախագահին վերադարձնելու համար դեռ որոշակի գործընթաց է պահանջվում, Ազգային ժողովն էլ դեռ պիտի հաստատի: