Կալիֆոռնիայում տեղի կունենան «Նարեկացի» ամբիոնի 50-ամյակին նվիրված խորհրդաժողով, ցուցահանդես և համերգ

Նոյեմբերի 16-17-ը տեղի կունենա Կալիֆոռնիայի համալսարանի Լոս Անջելեսի մասնաճյուղում գործող «Նարեկացի» հայագիտական ամբիոնի հիմնադրման 50-ամյակին նվիրված խորհրդաժողով:

Ըստ Asbarez-ի` կներկայացվեն Արևելյան Եվրոպայում հայկական մշակույթին նվիրված ուսումնասիրություններ:

Խորհրդաժողովի առաջին օրվա նիստից հետո համալսարանի  «Փաուըլ» գրադարանում կկայանա Հրայր Բազե Խաչերյանի լուսանկարների  ցուցադրությունը։ Նոյեմբերի 17-ին նույն գրադարանում կկայանա Արևելյան Եվրոպայի  հայկական համայնքների երաժշտությանը նվիրված համերգ` Արենի Աղբաբյանի գլխավորությամբ:

Խորհրդաժողովին զուգահեռ` կազմակերպվել է հայկական միջնադարյան արվեստներին նվիրված դասախոսություն: