Թրամփը գոհ է ընտրությունների նախնական արդյունքներից

ԱՄՆ-ում կայացել են Կոնգրեսի միջանկյալ ընտրությունները:

РИА Новости-ն հայտնում է, որ ԱՄՆ նախագահ Դոնալդ Թրամփը ընտրությունների նախնական արդյունքները «հիանալի հաջողություն է» որակել: Այդ մասին նա գրել է իր թվիթերյան էջում:

Ամերիկյան ԶԼՄ-ները կանխատեսում են, որ Հանրապետական կուսակցությունը հաղթանակ կտանի Սենատում` ստանալով 52  տեղ: Նման տվյալներ են ներկայացնում NBC-ին և ABC-ին:

Իսկ դեմոկրատները հաղթանակ կտանեն Ներկայացուցիչների պալատում` ստանալով 238 տեղ, մինչդեռ հանրապետականները կստանան 197 տեղ: Ներկայացուցիչները պալատը վերահսկելու համար անհրաժեշտ է հավաքել 218 ձայն:

Կանխատեսումները հիմնված են քվեարկության նախնական արդյունքների վրա, պաշտոնական տվյալներ դեռ չկան: