Հակաիրանական պատժամիջոցներ. ԱՄՆ-ը բացառություն կանի նաև Ադրբեջանի համար

ԱՄՆ ֆինանսների նախարարությունը հրապարակել է Իրանի դեմ նոր պատժամիջոցների ցուցակը, որոնք կսկսեն գործել նոյեմբերի 5-ից:

Միևնույն ժամանակ,  ԱՄՆ-ը բացառություն կանի 8 երկրների համար, որոնք ներկրում են իրանական նավթ: Այդ մասին հայտնել է ԱՄՆ պետքարտուղար Մայք Պոմպեոն: Նա չի մանրամասնել, որոնք են այդ երկրները, սակայն նշել է, որ ԵՄ-ն բացառության մեջ չի մտնում: Երկրների ամբողջական ցուցակը Պետդեպը կհրապարակի երկուշաբթի:

ТАСС-ը հայտնում է, որ ԱՄՆ-ը բացառություն է արել նաև ադրբեջանական գազամուղի նախագծի համար, որով գազը «Շահդենիզ» հանքավայրից Թուրքիայի տարածքով կմատակարարվի Եվրոպա:

Ընդգծվում է, որ վերականգնվող հակաիրանական սահմանափակումները չեն կիրառվի անձանց նկատմամբ, որոնք իրականացնում են գործարքներ` ուղղված բնական գազի հանքավայրերի շահագործմանը, կամ աջակցում են դրանց: