Բասկետբոլի ՀՄԸՄ-ի Անթիլիասի աղջիկների խումբը Եգիպտոսում հաղթանակ է տարել. լուսանկարներ

Եգիպտոսում կայացել է բասկետբոլի արաբական երկրների  աղջիկների ակումբների 20-րդ առաջնությունը, որում մրցել են երկու տիտղոսակիրներ` Հայ մարմնակրթական ընդհանուր միության` ՀՄԸՄ-ի Անթիլիասի և եգիպտական «Ահլի» թիմի մարզիկները:

Ըստ Aztagdaily-ի` նախքան եզրափակիչ փուլը կայացած մրցույթում հաղթանակ են տարել ՀՄԸՄ-ի աղջիկները: Եզրափակիչ փուլը դարձյալ ավարտվել է Լիբանանի ներկայացուցիչների հաղթանակով` 83-57 արդյունքով:

Մրցույթի ավարտին բասկետբոլի արաբական  ֆեդերացիայի նախագահ Իսմայիլ Քըրքաուին մրցանակ է հանձնել ՀՄԸՄ-ի խմբապետ Մեղրի Թորոսյանին:

Նշենք, որ  ՀՄԸՄ-ին մաս կազմող Ռեբեկա Աքըլը մրցաշարի կազմակերպիչների կողմից ճանաչվել է լավագույն մարզիկ:

Շնորհավորում ենք ՀՄԸՄ-ի մեծ ընտանիքին այս փառավոր հաղթանակի համար` մաղթելով նորանոր նվաճումներ: