Ջոն Բոլթոնը` Հայաստանին ու Ադրբեջանին զենք վաճառելու մասին

Ազատության աջակցման ակտի 907 լրացման  և Հայաստանին ու ԱՄՆ-ին զենք վաճառելու հնարավորության հարցով որոշում դեռ չի կայացվել: Այդ մասին Երևանում հայտարարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը. հայտնում է Sputnik Армения-ն:

«Ներկայումս որոշումն ընդունված չէ: Ես չեմ կարող կանխատեսել` ինչպիսին այն կլինի երկու կողմերին զենքի վաճառքի հարցում»,- ասել է նա:

Հիշեցնենք,  որ ավելի վաղ Բոլթոնը «Ամերիկայի ձայն» հեռուստառադիոընկերությանը տված հարցազրույցում ասել է, որ ԱՄՆ նախագահը կարող է իր լիազորություններն օգտագործել Ազատության աջակցման ակտի 907-րդ լրացման գործողությունը դադարեցնելու համար, որը սահմանափակում է Ադրբեջանին ԱՄՆ-ի կողմից պետական մակարդակով օգնության տրամադրումը: