Գյումրու գիշերօթիկի բակում հայտնաբերված երկու նորածինների մայրն Արարատից է, 18 տարեկան

Նախօրեին Գյումրու «Ֆրիտյոֆ Նանսենի անվան երեխաների խնամքի պաշտպանության թիվ 2 գիշերօթիկ հաստատության» պահակը բակում պոլիէթիլենային տոպրակի մեջ հայտնաբերել էր նորածին երկու տղաների։

Ոստիկանությունից տեղեկանում ենք, որ  երեխաների մոր ինքնությունը պարզվել է: Նա Արարատի մարզի 18-ամյա բնակչուհի է, բերվել է ոստիկանության Մուշի բաժին:

Արարքի դրդապատճառները պարզվում են: Կատարվում է քննություն:

Հիշեցնենք, որ Շիրակի մարզպետարանի ընտանիքի, կանանց, երեխաների իրավունքների պաշտպանության բաժնի պետ Լիլիթ Գորգինյանն էլ Yerkir.am-ին տեղեկացրել էր, որ հայտնաբերվելուց հետո անմիջապես երեխաները տեղավորվել են համապատասխան հաստատություն, որտեղ նորածնային տարիքի երեխաների համար կարող է տարվել խնամք: Այնտեղ երեխաներին լողացրել են, կերակրել, հարմարավետ տեղավորել: