Համաներումը ձգձգվում է. թեման «կտաքանա» արտահերթ ընտրությունների ժամանակ. «Իրավունք»

«Իրավունքը» գրում է. «Չնայած կառավարությունից ասում են, որ շատ շուտով «Համաներման մասին» օրենքի նախագիծը կհանձնվի Ազգային ժողովի դատին, բայց ինչ-ինչ պատճառներով այն ձգձգվում է:

Այսօր ԱԺ պետաիրավական և մարդու իրավունքների հարցերի մշտական հանձնաժողովի հերթական նիստում, թեպետ բազմաթիվ հարցեր են ընդգրկված, սակայն ոչ մի խոսք չկա «Համաներման մասին» օրենքի նախագծի վերաբերյալ:

Ճիշտ է, արդարադատության նախարար Արտակ Զեյնալյանը շտապեց փակագծերը բացել, որ այս համաներումն ամենածավալունն է լինելու ՀՀ և Երևանի հիմնադրման պատմությունից ի վեր, սակայն գործադիրում այդքան էլ հակված չեն այս փուլում թեման այդքան «տաքացնել»:

Գործադիրին մոտ կանգնած մեր աղբյուրների համաձայն՝ հիմա, երբ ՀՀ վարչապետ Նիկոլ Փաշինյանի հրաժարականի հարցն է դրված, նպատակահարմար չէ «Համաներման մասին» օրենքի նախագիծը կյանքի կոչելու գործընթացն արագացնել:

Նյութն ամբողջությամբ՝ թերթի այսօրվա համարում: