Հոկտեմբերի 7-ից ֆրանկոֆոնյան ոչ աշխատանքային օրեր կսկսվեն

Հայաստանում Ֆրանկոֆոնիայի գագաթաժողովի անցկացման օրերը` հոկտեմբերի 7-ից, կլինեն ոչ աշխատանքային:«Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում լրացում կատարելու մասին Հայաստանի Հանրապետության օրենքի նախագծի վերաբերյալ կառավարության օրենսդրական նախաձեռնությունը ներկայացված է ՀՀ կառավարության հոկտեմբերի 4-ի նիստում:

«2018 թվականի հոկտեմբերի 7-ից Հայաստանում սկսվում են Ֆրանկոֆոնիայի գագաթաժողովի շրջանակներում նախատեսվող միջոցառումները: Ֆրանկոֆոնիայի 17-րդ գագաթաժողովի շրջանակներում Հայաստանում կլինեն ավելի քան 80 անդամ պետությունների և կազմակերպությունների պատվիրակություններ, այդ թվում՝ 25-ից ավելի պատվիրակությունները՝ պետության ղեկավարների մակարդակով:

Ֆրանկոֆոնիայի գագաթաժողովն կանցկացվի հոկտեմբերի 11-12-ին: