Ակտիվացնելու են «Հյուսիս-հարավ» ծրագրով նախատեսված Սիսիան-Քաջարան հատվածի աշխատանքները

Կառավարության նիստից հետո լրագրողների հետ ճեպազրույցում տրանպորտի, կապի և ՏՏ նախարար Աշոտ Հակոբյանն անդրադարձավ Հյուսիս–հարավ ճանապարհի կառուցման պրոցեսում հայտնաբերված չարաշահումների վերաբերյալ հարցին:

Նա նշեց, որ նոր տվյալներ չարաշահումների մասով դեռ չկան, հնչեցված թիվը 24 միլիարդ դրամ է, դեռևս հստակ չէ, թե չարաշահումը հստակ ինչին է վերաբերում, որովհետև հարուցված գործը պրոցեսի և անձանց ընդարձակ շրջանակ է ներառում: Այժմ նախարարությունը հսկում է, որ ճանապարհի կառուցման գործընթացում առկա թերությունները վերացվեն և արվեն պատշաճ որակին համապատասխան:

«Հիմա նախատեսում ենք ամենադժվար հատվածում` Սիսիան-Քաջարան հատվածում աշխատանքներն ակտիվացնել»,- ասաց նախարարը: