Ջրային համակարգը պետք է ամբողջությամբ «փոզվի». բողոքի ակցիա կառավարության շենքի մոտ

Արարատի մարզի Նարեկ համայնքի բնակիչներն այսօր կառավարության շենքի մոտ բողոքի ակցիա էին իրականացնում. նրանք ոռոգման ջրի խնդիր ունեն: Ցուցարարները պնդում են, որ համայնքում ջուր կա, բայց իրենց ջուր չի հասնում, դաշտերը չորացել են։

Yerkir.am-ի հետ զրույցում բնակիչներից մեկն ասաց, որ տարեվերջին իրենցից չմատակարարած ոռոգման ջրի վարձն են ուզելու: «Սուտ ա, կոռուպցիան կա, էն վախտ քիչ էր, հիմա շատացել ա, որովհետև էն հին կառավարությունից դեռ մնացել են, ջրային համակարգում բոլորը նույնն են: Այդ համակարգը պետք է ամբողջությամբ «փոզվի», նոր համակարգ լինի: Հնից բացարձակ մարդ չպետք է մնա»,- ասաց բնակիչներից Ֆեդյա Մարտիրոսյանը:

Նշենք, որ ցուցարարների հետ հանդիպեց փոխվարչապետ Տիգրան Ավինյանի օգնական Միքայել Նահապետյանը: Մանրամասներն` ավելի ուշ: