Իրանը ԱՄՆ-ին հիշեցրել է 2001-ի սեպտեմբերի 11-ի ահաբեկչությունների մասին

Իրանի նախագահ Հասան Ռոհանին  ՄԱԿ-ում ԱՄՆ մշտական ներկայացուցիչ Նիկի Հեյլիին քննադատել է իրանական Ահվազ քաղաքում ռազմական շքերթի ժամանակ տեղի ունեցած ահաբեկչության մասին խոսքերի համար: Այդ մասին նա գրել է Twitter-ի իր էջում. հայտնում է Лента.ру-ն:

«Ամերիկացի պաշտոնյան վերջերս սարսափելի բաներ է ասել Ահվազում ահաբեկչության մասին և հարձակման համար պատասխանատվությունը դրել Իրանի իշխանությունների վրա: Ի՞նչ կմտածեին ամերիկացիները, եթե մենք նման բան ասեինք 2001-ի սեպտեմբերի 11-ի ահաբեկչության մասին»,- գրել է նա:

Հիշեցնենք, որ իրանական կողմը ահաբեկչության կազմակերպման մեջ մեղադրել էր ահաբեկչության «տարածաշրջանային հովանավորներին  և նրանց ամերիկացի հրահանգիչներին»: Ահաբեկչության հետևանքով զոհվել էր 29 մարդ: