Եթե Ադրբեջանը պատրաստ է փոխզիջումների, ապա մենք նույնպես պատրաստ ենք. Փաշինյան

ՀՀ վարչապետ Նիկոլ Փաշինյանը հարցազրույց է տվել ռուսական Коммерсантъ-ին, որում, ի թիվս այլ հարցերի, խոսել է նաև ԼՂ հակամարտության կարգավորման մասին:

«Մենք ասում ենք, որ պատրաստ ենք քննարկել այդ հակամարտության խաղաղ կարգավորման հնարավորությունը: Հաճախ են հարցում` պատրա՞ստ է ՀՀ-ն զիջումների, սակայն ոչ ոք չի հարցնում` պատրա՞ստ է, արդյոք Ադրբեջանը: Բոլորը հարցնում են` պատրա՞ստ է Հայաստանը փոխզիջումների, բայց չեն հարցնում` պատրա՞ստ է Ադրբեջանը: Եթե Ադրբեջանը պատրաստ է փոխզիջումների, ապա մենք նույնպես պատրաստ ենք: Եթե պատրաստ չէ, ապա մենք էլ պատրաստ չենք»,- ասել է ՀՀ վարչապետը:

Ըստ Փաշինյանի` հարցը չի կարող լուծվել առանց փոխզիջումների, սակայն խնդիրն այն է, որ Ադրբեջանն ամեն օր սպառնում է պատերազմ սկսել: վ«Ադրբեջանը պետք է իմանա, որ հնարավոր չէ Հայաստանի հետ խոսել սպառնալիքների միջոցով»,- հավելել է ՀՀ վարչապետը: