ՌԴ իրավապահները քրեական գործ են հարուցել Եկատերինբուրգում հայ գործարարների վրա կրակելու դեպքի առնչությամբ

ՌԴ  ոստիկանությունը քրեական գործ է հարուցել Եկատերինբուրգ քաղաքում հայ գործարարների Audi մեքենայի ուղղությամբ բացված կրակահերթի առնչությամբ. հայտնում է РИА Новости-ն:

Գործով զբաղվող քննիչները քննարկում են կատարվածի ամենատարբեր վարկածները, այդ թվում` նաև շահադիտական նպատակների հավանականությունը:

Սեպտեմբերի 5-ին Եկատերինբուրգում «ՎԱԶ-2112» մակնիշի ավտոմեքենայով անհայտ անձինք կրակել են Audi մակնիշի ավտոմեքենայի վրա, որում, ըստ Вечерние Ведомости-ի, հայ գործարարներ են եղել: Audi-ի վարորդը վիրավորվել է ձեռքի շրջանում: Գումարների կանխիկացմամբ զբաղվող հայաստանցի գործարարները մեծ գումար էին տեղափոխում մեքենայով: