Տարոն Մարգարյանը կհարցաքննվի «Երևան» հիմնադրամի գործով

ԱԱԾ տնօրեն Արթուր Վանեցյանն այսօր լրագրողների հետ ճեպազրույցում հայտնեց, որ «Երևան» հիմնադրամում չարաշահումների գործով հարցաքննվելու է նաև Երևանի նախկին քաղաքապետ Տարոն Մարգարյանը: Նա նշեց. «Հարցաքննության օրը կորոշի քննչական խումբը: Քննչական խմբի ղեկավարն ինքը կորոշի, երբ կհրավիրի հարցաքննության»:

Հիշեցնենք, որ հունիսի 13-ին ԱԱԾ-ն հանդես էր եկել հայտարարությամբ, որում ասվում էր՝  հաղորդում է ստացվել ՀՀ քաղաքացիներ Վ.Գ.-ից և Ա.Խ.-ից այն մասին, որ Երևանի քաղաքապետարանի պաշտոնատար անձինք, կառուցապատման և գույքի ձևակերպման համապատասխան թույլտվություններ տրամադրելու դիմաց, բացի օրենքով սահմանված վճարումներից, իրենց պարտադրել են «Երևան» հիմնադրամին փոխանցել խոշոր չափերի գումարներ: