ԱՄՆ-ում հրապարակել են Ելցինի ու Քլինթոնի` Պուտինի մասին զրույցի վերծանումը

ԱՄՆ նախկին նախագահ Բիլ Քլինթոնի գրադարանի կայքում հրապարակվել է նրա և ՌԴ նախկին նախագահ Բորիս Ելցինի զրույցի վերծանումը, որը վերաբերվում է ՌԴ ներկայիս նախագահ Վլադիմիր Պուտինին. հայտնում է Интерфакс-ը:

Այսպես` 1999 թվականի սեպտեմբերի 8-ին կայացած հեռախոսազրույցի ժամանակ Ելցինը պատմել է  Քլինթոնին, որ վերջապես որոշել է, թե ով կդառնա իր իրավահաջորդը և ասել, որ դա Պուտինն է:

Ելցինը պատմել է, որ ուսումնասիրել է նրա կենսագրությունը, հետաքրքրությունները, ծանոթների շրջապատը և այլն:

«Ես պարզեցի, որ նա վստահելի մարդ է, ուժեղ և շփվող: Նա հեշտությամբ կարող է լավ հարաբերություններ հաստատել գործընկերների հետ»,-մասնավորապես ասել է Ելցինը: