Եկամտահարկը որոշակիորեն կիջնի. վարչապետ

Այսօր վարչապետ Նիկոլ Փաշինյանը ֆեյսբուքյան եթերում խոսել է տնտեսական հարցերի, խնդիրների ու տեսլականի մասին: Անդրադառնալով Հարկային օրենսգրքին, նա նշեց, որ ներկայումս կառավարությունը ակտիվ քննարկում է Հարկային օրենսգրքում փոփոխություններ կատարելու մասին հարցը:Վարչապետի խոսքով` լուրջ փոփոխություններ են կատարվելու, հատկապես պետական գնումների, հանրային կառավարման և այլ ոլորտներում:

«Մենք կգնանք հարկային օրենսդրության պարզեցման և եկամտահարկի դրույքաչափի իջեցման: Եկամտահարկը որոշակիորեն կիջնի: Կան մի քանի սցենարներ, դրանք քննարկման փուլում են»

Փաշինյանի խոսքով` պետական ապարատը իսկապես ուռճացված է: Այն պետք է կրճատվի: