Քոչարյանի հարցաքննությունը կտեսաձայնագրվի, բայց չի հրապարակայնացվի. ՀՔԾ պետ

ՀՔԾ պետ Սասուն Խաչատրյանը կառավարության նիստից առաջ լրագրողների հետ զրույցում անդրադարձավ ՀՀ երկրորդ նախագահ Ռոբերտ Քոչարյանի հարցաքննությանը:

Հիշեցնենք, որ այսօր Քոչարյանը հարցաքննվելու է Մարտի 1-ի գործով:

Հարցին` արդյո՞ք տեսաձայնագրվելու է նրա հարցաքննությունը, Խաչատրյանը պատասխանեց, որ դա որոշելու է վարույթն իրականացնող մարմինը: «Տեսագրությունը քննչական գործողության բաղադրիչ մասն է, եթե նույնիսկ տեսագրվում է, դա չի նշանակում, որ այն հրապարակայնացվելու է, կցվելու է քրեական գործին: Այո, ունենք որոշում տեսագրելու»,- հայտնեց նա:

Միևնույն ժամանակ նա նշեց, որ Քոչարյանին Էդիկ Հակոբյանը և Մուշեղ Բաբայանը չեն հարցաքննելու: «Որևէ գաղտնիքի խնդիր չկա, մեր ծառայության քննիչներից մեկն է, ավելորդ ուշադրությունից նրան զերծ պահելու համար է գաղտնի պահվում անունը»,- ասաց նա: