Էմոցիոնալ կարծիքները չեն կարող օբյեկտիվ լինել. նախարարը` մանկական մահացությանը արձագանքների մասին

Կառավարության նիստից հետո առողջապահության նախարար Արսեն Թորոսյանը խոսեց մանկական մահացության մասին: Նրա խոսքով` թեև մանկական մահացության դեպքերը նվազում են, սակայն ցուցանիշը մնում է մտահոգիչ` 300 դեպք` մեկ տարվա մեջ:

«Մանկական և մայրական մահացությունը երկրի առողջապահական համակարգի կարևոր ցուցիչներից է և միշտ մեր ուշադրության կենտրոնում է: Ուսումնասիրում ենք ցանկացած դեպք: Մասնագետների կարծիքով` մահացության դեպքերն այն դեպքերն են, երբ երեխայի կյանքը ոչ մի կերպ հնարավոր չի լինում փրկել: Մահացության դեպքերը մանրամասն ուսումնասիրվում են, սակայն էմոցիոնալ կարծիքները չեն կարող օբյեկտիվ լինել»,- ասաց նախարարը: