Էջմիածնում ցուցադրվում է Սուրբ Գեղարդը. լուսանկարներ

Այս պահին Էջմիածնում ցուցադրվում է  Աստվածամուխ Սուրբ Գեղարդը:

Ամենայն Հայոց կաթողիկոս Գարեգին Բ –ի օրհնությամբ հուլիսի 7-ին հավատացյալների երկրպագության համար դուրս բերվեց Աստվածամուխ Սուրբ Գեղարդը: Այն Մայր Տաճարում կմնա ժամը 11:00-ից մինչ երեկոյան ժամերգության ավարտը:

Հիշեցնենք, որ երեկ «Նոր Հայաստան, նոր հայրապետ» նախաձեռնության անդամները ներխուժել էին Մայր Աթոռի դիվանատուն: Նրանք պահանջել էի ցույց տալ գանձատանը պահվող սուրբ մասունքները, օրինակ՝ Սուրբ Գեղարդը, քանի որ նրանք պնդում էին, որ այն վաճառվել է:

Ավելի ուշ Մայր Աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանը պարզաբանել էր` լուրերը, թե Մայր Աթոռ Սուրբ Էջմիածնում պահվող Սուրբ Գեղարդը վաճառվել է կամ վնասվել, կեղծ են։ «Առաջիկային այն դուրս կբերվի հավատացելոց երկրպագության համար, և մեր ժողովուրդը կտեսնի, թե համաքրիստոնեական սրբությունն անխաթար է և անվնաս»,- ասել էր նա։