Պռոշյան գյուղում «Lexus»-ը բախվել է քարին

Հունիսի 30-ին, ժամը 19:23-ին «911» ծառայությանն ահազանգ է ստացվել, որ Կոտայքի մարզի Պռոշյան գյուղի վերջնամասում տեղի է ունեցել ՃՏՊ՝ հրդեհի բռնկումով, կա տուժած. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և «Աղետների բժշկության կենտրոնի» հերթապահ բժիշկը:

Պարզվել է, որ «Lexus IS200» մակնիշի ավտոմեքենան (վարորդը` Հ. Ս., ծնված 1986 թ.) դուրս է եկել ճանապարհի երթևեկելի հատվածից և հարվածել քարին. հրդեհի նշաններ չեն հայտնաբերվել:

Փրկարարներն ավտոմեքենայի ուղևոր՝ Մ. Խ.-ին (ծնված 1987 թ.), մոտեցրել են շտապօգնության ավտոմեքենային: Վերջինս հոսպիտալացվել է «Արմենիա» ՀԲԿ, որտեղ բժիշկները տուժածի առողջական վիճակը գնահատել են բավարար: