Ադրբեջանցի երկու պատգամավոր ցմահ զրկվել է ԵԽԽՎ-ում ներկայացված լինելու իրավունքից

Եվրոպայի խորհրդի Խորհրդարանական վեհաժողովի կայքում հունիսի 27-ին հրապարակվել է ԵԽԽՎ-ում կոռուպցիոն գործունեության վերաբերյալ հետաքննություն իրականացնող անկախ հանձնաժողովի զեկույցը. հայտնում է Turan-ը:

Անկախ հանձնաժողովի զեկույցում տեղ է գտել ԵԽԽՎ 29 պատգամավորի անուն, որոնք մեղադրվում են էթիկական նորմերը խախտելու, մասնավորապես`  կոռուպցիոն գործարքներում ներգրավված լինելու մեջ:

Այդ պատգամավորները մեղավոր են ճանաչվել Ադրբեջանի ներկայացուցիչներից նվերներ և գումար ստանալու մեջ` ԵԽԽՎ-ում Ադրբեջանի շահերի լոբբինգն իրականացնելու համար: Որպես գումարների փոխանցման կազմակերպիչներ հանդես են եկել ԵԽԽՎ-ում ադրբեջանցի պատգամավորներ Մուսլիմ Մամեդովը և Էլհան Սուլեյմանովը: Նրանց  նկատմամբ պատժամիջոց է կիրառել, և նրանք ցմահ զրկվել են ԵԽԽՎ-ում ներկայացված լինելու իրավունքից: