Շրջանառության հարկը կնվազեցվի՝ 115 մլն դրամից դառնալով 58.35 մլն դրամ

Կառավարության այսօրվա նիստում մերժվեց խորհրդարանի կողմից ներկայացված օրինագիծը, որով նախատեսվում է շրջանառության հարկի շեմ 115 մլն դրամը թողնել անփոփոխ։ 2019 թ.-ի հունվարի 1-ից Հարկային օրենսգրքի փոփոխություններով նախատեսված է, որ շրջանառության հարկի շեմը 115 մլն դրամից կդառնա 58.35 մլն դրամ:

Ֆինանսների նախարար Ատոմ Ջանջաղուզյանի խոսքով՝ Հարկային օրենսգրքում փոփոխությունների նախագիծը կհանգեցնի բյուջեի եկամուտների նվազեցման: Նրա խոսքով` նախագծի ընդունումը կարող է հակադրվել ստվերային շրջանառությունների դեմ պայքարի շրջանակներում իրականացվող քաղաքականությանը, նաև կարող է ստեղծել գործունեության անհավասար պայմաններ և միջազգային փորձով չհիմնավորված տնտեսական իրավիճակ: