Գրիգորի Մարտիրոսյանը նշանակվել է Արցախի Հանրապետության պետական նախարար

Արցախի պետական նախարար է նշանակվել Գրիգորի Մարտիրոսյանը, ով մինչ այժմ զբաղեցնում էր ԱՀ ֆինանսների նախարարի պաշտոնը:

2000-2005 թթ.-ին Մարտիրոսյանը աշխատել է Հայաստանի կառավարությանն առընթեր պետական գնումների գործակալությունում` որպես առաջատար մասնագետ, 2005-2007 թթ.-ին աշխատել է Հայաստանի ֆինանսների և էկոնոմիկայի նախարարությունում` որպես գլխավոր մասնագետ:

2007 թ.-ին նշանակվել է Լեռնային Ղարաբաղի «Պետական գնումների գործակալություն» պետական ոչ առևտրային կազմակերպության պետի տեղակալ:

2008 թ.-ին նշանակվել է Լեռնային Ղարաբաղի Հանրապետության ֆինանսների նախարարի տեղակալ:

2015 թ.-ին նշանակվել է Լեռնային Ղարաբաղի Հանրապետության ֆինանսների նախարարի առաջին տեղակալ:

2017 թ.-ին նշանակվել է ԱՀ ֆինանսների նախարար:

Բակո Սահակյանի հրամանագրով Արթուր Հարությունյանն է  նշանակվել  Արցախի Հանրապետության ֆինանսների նախարար։