Մարզպետի աթոռը ծառայելու է միայն բնակչության շահերին. Արարատի նորանշանակ մարզպետ

Այսօր լրագրողների հետ զրույցում Արարատի մարզպետ Գարիկ Սարգսյանն անդրադարձավ մարզպետի պաշտոնում իր առաջիկա անելիքներին: Նրա խոսքով` իր հիմնական սկզբունքները պետք է լինեն մարզի բնակիչներին հասանելի լինելը, մարզի բնակիչների հոգսն իմանալը, խնդիրներին լուծում տալը: Նա առաջիկայում պատրաստվում է գնալ Արարատի մարզի բոլոր համայնքները, այլ ոչ թե նստել աշխատասեյակում ու սպասել, թե երբ մարզի բնակիչներն իր դուռը կթակեն` իրենց հոգսերի հետ կապված հարցերով:

«Մարզպետի աթոռը ծառայելու է միայն բնակչության շահերին»,- ասաց նորանշանակ մարզպետը:

Գարիկ Սարգսյանը չի շտապում ասել` Արարատի մարզում չարաշահումներ կլինե՞ն, թե՞ ոչ, սակայն չարաշահումներ ու կոռուպցիա հայտնաբերելու դեպքում դրանց մասին անպայման կբարձրաձայնվի: