Դուք պարոն Հակոբյա՞նն եք. զավեշտալի դեպք` բյուջեի կատարողականի քննարկման ժամանակ

Բյուջեի կատարողականի քննարկման ժամանակ տնտեսական հարցերի մշտական հանձնաժողովի նախագահ Խոսրով Հարությունյանը զեկուցելու համար հրավիրեց տրանսպորտի, կապի և տեղեկատվական տեխնոլոգիաների նախարար Աշոտ Հակոբյանին: Զեկուցելու մոտեցավ փոխնախարար Հակոբ Արշակյանը: Խոսրով Հարությունյանը զարմացավ. «Դուք պարոն Հակոբյա՞նն եք»: Փոխնախարարն արձագանքեց, որ` ոչ, ինքը նորանշանակ փոխնախարարն է, իսկ նախարարը գործուղման է:

«Մեզ պետք է տեղյակ պահեք, այլապես Ձեզ էլ անհարմար վիճակի մեջ դրեցի, ինքս էլ անհարմար վիճակի մեջ ընկա»,-ասաց. Հարությունյանը:

Փոխնախարարը նշեց, որ խնդիր չկա, անհարմար իրավիճակ էլ չկա, կտեղեկացնեն հաջորդ անգամ: