Արցախյան հարցի լուծման համար ավելի կտրուկ քայլեր պետք է իրականացվեն. Թուրքիայի մեջլիսի նախագահ

Թուրքիայի մեջլիսի նախագահ Իսմայիլ Քահրամանը Թուրքիայում գտնվող` Ադրբեջանի սփյուռքի հարցերով նախարար Ֆուադ Մուրադովի հետ հանդիպման ընթացքում անդրադարձել է նաև Արցախյան հիմնահարցին։

Ըստ Haberler-ի` Քահրամանը հերթական անգամ համոզմունք է հայտնել, որ Արցախյան հարցը նաև իրենց հարցն է: «Ղարաբաղի խնդիրը նաև մեր խնդիրն է, ինչպես որ Կիպրոսի հարցը Ադրբեջանինն է, իսկ Քաշմիրինը` իսլամական աշխարհինը։ Հավատում ենք, որ նման հարցերի կարգավորման համար  ավելի կտրուկ քայլեր պետք է իրականացվեն»,- ասել է նա:

Քահրամանը պնդել է նաև, որ այս հարցում ՄԱԿ-ը չի կատարում իր գործառույթները։ Նրա կարծիքով` անհրաժեշտ է ավելի լուրջ զբաղվել այն հարցերով, որոնք վտանգ են ներկայացնում աշխարհի և տարաշրջանային խաղաղության համար։