Թուրքիայի հայերը հայտնել են, թե ընտրություններին ում օգտին կքվեարկեն

Թուրքիայում ապրող հայերի կողմից հիմնադրված «Նոր Զարթօնք» միությունը հայտնել է, թե խորհրդարանական ու նախագահական ընտրություններին որ կուսակցության և նախագահի որ թեկնածուի օգտին կքվեարկեն:

Ըստ Demokrathaber-ի` միությունն այդ մասին հայտարարություն է տարածել` նշելով, որ իրենց թեկնածուն քրդամետ Ժողովուրդների դեմոկրատական կուսակցությունն է և այդ կուսակցության նախկին համանախագահ Սելահաթթին Դեմիրթաշը, ով այժմ բանտում է:

Միության տարածած հայտարարության մեջ նշվել է այդ որոշումը կայացնելու պատճառը` հայերի և Թուրքիայում ազգային մյուս փոքրամասնությունների կյանքում փոփոխությունը հնարավոր է Դեմիրթաշի միջոցով: «Քվեները` հույսին, քվեները` Դեմիրթաշին: Քո հետ է հնարավոր փոփոխությունը: Մեր թեկնածուն Դեմիրթաշն է»,- ասվում է հայտարարության մեջ:

Հիշեցնենք, որ երեկ Դեմիրթաշին բանտում այցելել էր ԺԴԿ հայ պատգամավոր Կարո Փայլանը:

Թուրքիայում արտահերթ ընտրությունները կկայանան հունիսի 24-ին: