Յուրա Մովսիսյանը հատուկ ֆուտբոլիստ չէ. Ռուբեն Հայրապետյան

Յուրա Մովսիսյանն ընդամենը Հայաստանի բազմաթիվ ֆուտբոլիստներից մեկն է, Յուրան հատուկ ֆուտբոլիստ չէ, որ անընդհատ առանձնացնում եք. քիչ առաջ լրագրողներին ասաց ՀՀ ֆուտբոլի ֆեդերացիայի նախագահ Ռուբեն Հայրապետյանը:

«Չգիտես` ինչու մարդիկ չեն ուզում հավատալ, որ ֆեդերացիան ընդհանրապես չի հետաքրքրվում, թե ովքեր են հրավիրվում հավաքական, իսկ եթե անձնական իմ կարծիքը լիներ, էնտեղ կան մի քանի ֆուտբոլիստներ, որոնց չպիտի հրավիրեին հավաքական»,-ասաց նա:

Հայրապետյանը նշեց, որ իր համար բոլոր ֆուտբոլիստները հավասար են, և այն ֆուտբոլիստները, ովքեր օգտակար կլինեն Հայաստանի ազգային հավաքականին, կխաղան հավաքականում:

«Ես համոզված եմ, որ կան բազմաթիվ մարդիկ, ովքեր համաձայն չեն մարզչի որոշման հետ, կամ կան երկրպագուներ, որոնք ունեն իրենց սիրելի ֆուտբոլիստը և ցանկանում են նրանց տեսնել հավաքականում»,- ասաց նա: