Վերացնել արտակարգ դրությունը. ՄԱԿ-ի ներկայացուցչի կոչը` Թուրքիային

ՄԱԿ-ի մարդու իրավունքների գերագույն հանձնակատար Զեյդ Ռաադ ալ Հուսեյնը խոսել է հուլիսի 24-ին Թուրքիայում կայանալիք խորհրդարանական և նախագահական արտահերթ ընտրությունների մասին` կարևորելով այդ շրջանում երկրում արտակարգ դրության վերացումը:

Ըստ Demokrathaber-ի` Հուսեյնը անդրադարձել է Թուրքիայում գրանցված ձերբակալություններին, ինչպես նաև ազատ խոսքի իրավունքի ոտնահարման դեպքերին: Նա ասել է, որ արտակարգ դրության պայմաններում ցանկալի չէ անցկացնել ընտրություններ և կոչ է արել Թուրքիայի իշխանություններին` վերացնել արտակարգ դրությունը, ինչը հնարավորություն կտա ապահովելու ընտրությունների անցկացման անվտանգությունը։

Թուրքիայի ԱԳ նախարարությունը դատապարտել է Հուսեյնի կոչը` այն «անհիմն» որակելով: