Շատ ուրախ եմ նոր Հայաստանի համար, բայց գործը հիմա է սկսվում. Սերժ Թանկյան

Այսօր խորհրդարանում էր նաև աշխարհահռչակ ռոք երաժիշտ Սերժ Թանկյանը: Նա վարչապետի ընտրություններից հետո լրագրողներին ասաց, որ շատ ուրախ է նոր Հայաստանի համար, բայց գործը հիմա է սկսվում:

«Խոչընդոտներ էլ, վստահ եմ, պիտի լինեն, ժամանակ ու համբերություն պիտի լինի, բայց սա շատ լավ սկիզբ է»,- նշեց երգիչը։

Ըստ նրա` վերջին երկու շաբաթների ընթացքում Հայաստանի վարկանիշն աշխարհում բարձրացել է, և շատ երկրներ սկսել են հարգանքով վերաբերվել Հայաստանին։

Հարցին` արդյո՞ք ունի  Հայաստանում ապրելու մտադրություն, երաժիշտը պատասխանեց. «Ես թափառական անձ եմ, դրա համար մի տեղ ապրելու կարիք չունեմ։ Սիրում եմ տարբեր տեղեր ապրել: Անպայման Հայաստան էլ պիտի ապրեմ»։