Էմիլ Բաբայանի դեմ, որպես մասնագետի, որևէ խնդիր չունենք. Էդմոն Մարուքյան

ԱԺ «Ելք» խմբակցության պատգամավոր Էդմոն Մարուքյանը խորհրդարանում լրագրողների հետ զրույցում բացատրեց` ինչու են բոյկոտել ՍԴ դատավորի ընտրությունները:

«Մենք բոյկոտել ենք՝ ելնելով ներկա քաղաքական իրավիճակից և մասնագիտացված ՀԿ-ների կողմից բարձրացված մտահոգությունից։ Էմիլ Բաբայանի դեմ, որպես մասնագետի, որևէ խնդիր չունենք, գիտենք, որ բարձր պատրաստվածությամբ մասնագետ է, բայց ընթացակարգի հետ կապված խնդիրներ կան, և կարծում եմ, որ ընթացակարգերի պահպանման դեպքում 10 օր հետո հնարավոր է ներկայացնել թեկնածուի»,- ասաց նա։

Օրենսդրության համաձայն՝ ՍԴ անդամ ընտրվում է ԱԺ պատգամովորների 3/5-րդով (63 պատգամավոր), մինչդեռ «Ծառուկյան» և «Ելք» դաշինքները բոյկոտել էին ընտրությունները։ Արդյունքում` Բաբայանը չընտրվեց ՍԴ անդամ. նրա օգտին քվեարկել էր 51 պատգամավոր: