Ծափողջյուններ, «միկրոֆոնը անջատեք»-ի պահանջ. Երևանի ավագանու ՀՀԿ անդամները «խառն» են

Համոզված եմ՝ ներկաներին չեն հետաքրքրում ձեր ելույթները. Երևանի ավագանու նիստում նման հայտարարություն արեց Երևանի քաղաքապետ Տարոն Մարգարյանը՝ դիմելով «Երկիր ծիրանի»-ի ղեկավար Զարուհի Փոստանջյանին:

Քաղաքապետը նեղսրտեց, որ «Երկիր ծիրանի»-ի անդամները ելույթ են ունենում՝ շեղվելով օրակարգում ընդգրկված հարցերի բուն էությունից: «Դուք քաղաքական ելույթ եք ունենում»,- ասաց նա:

ՀՀԿ անդամ Լևոն Իգիթյանը կողքից պահանջեց. «Միկրոֆոնը անջատեք»:

«Երկիր ծիրանի»-ի անդամ Սոնա Աղեկյանը քաղաքապետից հավելյալ ժամանակ խնդրեց իր ելույթի համար, ինչին ի պատասխան քաղաքապետը նշեց. «Եթե այլ հարթակներում Ձեզ թույլ չեն տալիս ելույթ ունենաք, խնդրեմ»:

Ավագանու ՀՀԿ անդամները ծափահարություններով ողջունեցին քաղաքապետի հայտարարությունը: