Ապրիլի 24-ին սպանվածներից Գրիգոր Զոհրապն էլ էր Մեջլիսի պատգամավոր. Կարո Փայլան

Թուրքիայի քրդամետ Ժողովուրդների դեմոկրատական կուսակցության հայ պատգամավոր Կարո Փայլանը խորհրդարանում հատուկ ասուլիս է կազմակերպել Հայոց ցեղասպանության զոհերի հիշատակի օրվա կապակցությամբ:

Փայլանի ֆեյսբուքյան էջում հեռարձակված ասուլիսի ընթացքում նա պատմել է Հայոց ցեղասպանության իրականացման ընթացքի մասին՝ շեշտելով Թուրքիայի կողմից այդ փաստին առերեսվելու կարևորությունը:

«1915 թվականին բազմաթիվ հայ մտավորականներ ու գործիչներ ձերբակալվել և ուղարկվել են մահվան: Ապրիլի 24-ին սպանվածներից Գրիգոր Զոհրապն էլ էր Մեջլիսի պատգամավոր»,- ասել է Փայլանը՝ նշելով, որ նույն ցավը զգացել է կուսակցության համանախագահ Սելահաթթին Դեմիրթաշի կալանավորման ժամանակ: