Երկրում քաղաքական իշխանություն չի փոխվել. Հրայր Թովմասյան

Սահմանադրական դատարանի համար նշանակություն չունի, թե երկրում ինչ քաղաքական իրավիճակ է. Ծիծեռնակաբերդում լրագրողներին ասաց Սահմանադրական դատարանի նախագահ Հրայր Թովմասյանն` անդրադառնալով երեկ վարչապետ Սերժ Սարգսյանի հրաժարականին:

Հարցին` չի՞ կարծում, որ այս ամենն իր գրած Սահմանադրության հետևանքն է, նա պատասխանեց.  «Սահմանադրությունը ներկայացվել է նախագահի կողմից, ընդունվել` ժողովրդի, գրվել` հանձնաժողովի կողմից»:

Հարցին էլ` կշարունակի՞ մնալ ՍԴ նախագահ, Թովմասյանը պատասխանեց. «Երկրում քաղաքական իշխանություն չի փոխվել, փոխվելու պարագայում էլ անգամ Սահմանադրական դատարանը շարունակում է իր գործունեությունը»: