Իշխանությունը փոխել հեշտ է, բայց պետք է արդյունք ցույց տալ. Լուկաշենկոն՝ հայաստանյան իրադարձությունների մասին

Բելառուսի նախագահ Ալեքսանդր Լուկաշենկոն հայտարարել է, որ պատրաստ է օգնություն ցուցաբերել Հայաստանին երկրում ստեղծված ներքաղաքական իրավիճակը կարգավորելու հարցում. հայտնում է РИА Новости-ն:

«Ես մաղթում եմ հայ ժողովրդին, որ շատ չտարվեն այդ իրավիճակով, քանի որ իշխանությունը փոխել հեշտ է, սակայն այնուհետև պետք է արդյունք ցույց տալ, և ժողովուրդը սպասելու է դրան: Եվ տա Աստված, որպեսզի Հայաստանի տաղանդավոր, խելացի ժողովուրդը հաղթահարի այդ իրավիճակը»,- ասել է Լուկաշենկոն` անդրադառնալով Հայաստանում տիրող իրավիճակին:

Լուկաշենկոն նշել է, որ Հայաստանը Բելառուսի համար օտար պետություն չէ. երկու երկրները ԵԱՏՄ անդամ են:

«Մենք պետք է, և դա կառավարության գործն է, զանգենք, հարցնենք` ինչով կարող ենք օգնել»,- նշել է նա: