Փաշինյանի որոշումը. մեր հավաքը շտապ և ինքնաբուխ է

Քիչ առաջ Նիկոլ Փաշինյանը հայտարարեց, որ այսօրվա իրենց հավաքը նվիրված է գիշերվա այն իրադարձություններին, երբ հարձակումներ են տեղի ունեցել ակտիվիստների նկատմամբ, և ավտոմեքենաներ են ջարդվել:

Նշենք, որ Երևանի փոխոստիկանապետ Վալերի Օսիպյանը Փաշինյանին քիչ առաջ ասել էր, որպեսզի դադարեցնեն քայլերթը: Փաշինյանը ժամանակ էր խնդրել որոշումը քննարկելու համար: Նա որոշ ժամանակ անց հայտարարեց, որ, «Հավաքների ազատության մասին» օրենքի 26-րդ հոդվածի համաձայն, մարդիկ ինքնաբուխ և շտապ հավաքներ կարող են անցկացնել: «Մեր այսօրվա հավաքը հենց այդպիսին է»,- ասաց Փաշինյանը:

Նա զանգահարեց Նորքի ոստիկանության բաժանմունք և իրազեկեց, որ քիչ անց հավաք են իրականացնելու: