Ռուսաստանը կխոցի ԱՄՆ-ի` Սիրիայի դեմ արձակված հրթիռները. Լիբանանում Ռուսաստանի դեսպան

Ռուսաստանը իրավունք է վերապահում իրեն խոցելու բոլոր հրթիռները, եթե ԱՄՆ-ը Սիրիայի դեմ ագրեսիա իրականացնի: Այդ մասին հայտարարել է Լիբանանում Ռուսաստանի դեսպան Ալեքսանդր Զասիպկինը. հաղորդում է РИА Новости-ն:

«Ռուսաստանը կկատարի իր նախագահի հայտարարությունները` կապված ԱՄՆ-ի`Սիրիայի դեմ ագրեսիայի հետ»,- ասել է նա al-Manar հեռուստաալիքին:

Նշենք, որ ԱՄՆ նախագահ Դոնալդ Թրամփն ավելի վաղ Ռուսաստանին և Իրանին էր մեղադրել Բաշար Ասադի ռեժիմին աջակցելու մեջ, որն իբր քիմիական հարձակում է իրականացրել սիրիական Դումա քաղաքում: Նա խոստացել էր 48 ժամվա ընթացքում որոշել, թե ինչ քայլերի դիմել` ի պատասխան հարձակմանը: