Կալիֆորնիայի օրենսդիր մարմնում ներկայացվել է Ցեղասպանության զոհերի ոգեկոչման մասին բանաձև

Կալիֆորնիայի նահանգային խորհրդարանի անդամ Լորա Ֆրիդմանը նահանգային օրենսդիր մարմնի նիստում ներկայացրել է թիվ 37 միացյալ բանաձևը, որը 2018 թվականի ապրիլի 24-ը հռչակում է «Կալիֆորնիայում Հայոց ցեղասպանության 103-րդ տարելիցի ոգեկոչման օր»։

Ըստ Asbarez-ի՝  Ֆրիդմանը հիշեցրել է, որ հայաշատ Գլենդելի և Կալիֆորնիայի տարածքում հայերը ապրիլի 24-ին ոգեկոչել են հայ ժողովրդի դեմ տեղի ունեցած ահռելի ոճիրները` միաժամանակ խոստանալով հզորացնել ատելության և անհանդուրժողականության դեմ պայքարը:

«Այս բանաձևը առիթ է Կալիֆորնիայի ժողովրդի համար՝ հարգանքի տուրք մատուցելու միլիոնավոր հայ զոհերին և պահանջելու իր ղեկավարներից, որ դատապարտել Հայոց ցեղասպանության պատմական իրողությունն ուրանալու յուրաքանչյուր փորձ»,-ասել է Ֆրիդմանը:

Նա տվյալ բանաձևը կընթերցի ապրիլի 23-ին՝ խորհրդարանում նախատեսված քվեարկության ժամանակ: