Աստված մեր ձենը լսեց. Սեյրան Սարոյանը` Սերժ Սարգսյանի հարցազրույցի մասին

ԱԺ ՀՀԿ-ական պատգամավոր Սեյրան Սարոյանը խորհրդարանում լրագրողների հետ զրույցում անդրադարձավ Սերժ Սարգսյանի այն հարցազրույցին, որում նա չի բացառել, որ կընդունի վարչապետի թեկնածու դառնալու առաջարկը: «Աստված մեր ձենը լսեց, էլ ի՞նչ եք ուզում: Մարդը պարզ ասեց»,- հայտարարեց նա:

Անդրադառնալով Սերժ Սարգսյանի այն հայտարարությանը, որ կընդունի առաջարկը երիտասարդ քաղաքական լիդերներին իր փորձը հաղորդելու համար, Սարոյանը նշեց. «Դրանից էլ լավ բա՞ն»։

Հարցին` այդ դեպքում ինչո՞ւ նախկինում Սարգսյանը նույն բանը չի արել, նա արձագանքեց. «Նախկինում գործերը խառն էր, զբաղված էր շատ»։

Սարոյանն անդրադարձավ նաև «Ելք»-ի՝ ժողովրդին փողոց դուրս բերելու և դրանով Սարգսյանի վարչապետության դեմ պայքարելու հարցին։ «Ժողովուրդը պարապ չի, ի՞նչ փողոց, ի՞նչ բան»- նշեց նա: