Թրամփը պաշտոնից ազատել է նաև պետդեպարտամենտի պաշտոնական ներկայացուցչին

ԱՄՆ նախագահ Դոնալդ Թրամփը պաշտոնից ազատել է նաև ԱՄՆ պետդեպարտամենտի պաշտոնական ներկայացուցիչ Հիզեր Նոյերթին: Նա նշանակվել է ԱՄՆ պետքարտուղարի՝ հանրային դիվանագիտության հարցերով տեղակալի պաշտոնակատար. տեղեկացնում է BBC-ն:

Մինչ այդ հայտնի է դարձել, որ ԱՄՆ վարչակազմը պաշտոնաթող է արել ավելի վաղ պաշտոնանկ արված ԱՄՆ պետքարտուղար Ռեքս Թիլերսոնի տեղակալ Սթիվ Գոլդսթինին: ԱՄՆ վարչակազմը Գոլդսթինի ազատման մասին որոշումն ընդունել է այն բանից հետո, երբ Թիլերսոնին պետքարտուղարի պաշտոնից հեռացնելու հարցում Սպիտակ տան պաշտոնական դիրքորոշմանը հակասող տեղեկատվություն է հրապարակել:

Հիզեր Նոյերթը ԱՄՆ պետդեպի պաշտոնական ներկայացուցչի պաշտոնում նշանակվել էր 2017 թվականի ապրիլի 24-ին:

Հիշեցնենք, որ երեկ ԱՄՆ նախագահ Դոնալդ Թրամփի որոշմամբ Միացյալ Նահանգների պետքարտուղար Ռեքս Թիլերսոնը հեռացել է իր պաշտոնից: Նրա փոխարեն  պետքարտուղար է նշանակվել Մայք Պոմպեոն: