ԱԺ նախագահը ՍԴ նախագահի պաշտոնում առաջադրել է Հրայր Թովմասյանի թեկնածությունը

Այսօր Արա Բաբլոյանը ստորագրել է արձանագրություն, որի համաձայն,  մարտի 8-ից դադարեցվել են Գագիկ Հարությունյանի լիազորությունները Սահմանադրական դատարանի նախագահի պաշտոնում։ Միաժամանակ Արա Բաբլոյանը Սահմանադրական դատարանի նախագահի պաշտոնում առաջադրել է Հրայր Թովմասյանի թեկնածությունը: Այս մասին Yerkir.am-ի հետ զրույցում ասաց ԱԺ հանրային կապերի վարչության պետ Արսեն Բաբայանը։

Նա հավելեց, որ ՍԴ նախագահի պաշտոնում Հրայր Թովմասյանի թեկնածության հարցի քննարկումն ու քվեարկությունը  տեղի կունենա առաջիկա քառօրյա նիստերի ընթացքում:

Հիշեցնենք, որ Հրայր Թովմասյանը հրաժարական էր ներկայացրել ԱԺ պետաիրավական հարցերի մշտական հանձնաժողովի նախագահի պաշտոնից, ՍԴ անդամի պաշտոնում առաջադրվելու նպատակով: