Լիոնում հայ համայնքը հարգանքի տուրք մատուցեց Սումգայիթի զոհերի հիշատակին

Լիոնում` Ցեղասպանության զոհերի հիշատակին նվիրված հուշակոթողի մոտ, հայ համայնքը հարգանքի տուրք մատուցեց Սումգայիթի զոհերի հիշատակին:

Yerkir.am-ի հետ զրույցում Լիոնի հայ համայնքի ներկայացուցիչներից Օդեթ Օութուջյանը նշեց, որ հայ համայնքն ամեն տարի անդրադառնում է կարևոր դեպքերին: «Հայ համայնքն իրեն այստեղ ազատ է զգում, ոչ մի ճնշում չկա: Սա ցույց է տալիս նաև Ֆրանսիայի իշխանության վերաբերմունքը հայ համայնքի հանդեպ»,- ասաց նա: 

Լիոնում Հայաստանի գլխավոր հյուպատոսության, Ֆրանսիայի հայկական կազմակերպությունների համակարգող խորհրդի և Ֆրանսիայի ԱԺ պատգամավոր Դանիել Ղազարյանի կողմից ծաղկեպսակներ դրվեցին հուշակոթողի մոտ: