Իսրայելի խորհրդարանի 28 պատգամավորների կողմից Հայոց ցեղասպանության դատապարտմանը կողմ քվեարկելը ձեռքբերում է. Վահե Էնֆիաջյան

«Ծառուկյան» խմբակցության քարտուղար Վահե Էնֆիաջյանը, ով ԱԺ հայ-իսրայելական բարեկամական խմբի կազմում է եղել, լրագորղների հետ հանդիպման ժամանակ նշեց, որ Իսրայելի խորհրդարանի` Քնեսեթի 28 պատգամավորների կողմից Հայոց ցեղասպանության դատապարտմանը կողմ քվեարկելը արդեն իսկ ձեռքբերում է:

«Այն, որ Քնեսեթում Հայոց ցեղասպանության ճանաչման և դատապարտման օրինագիծը քննարկվում է, և արդեն 28 պատգամավոր իր համաձայնությունն է հայտնում ու կողմ քվեարկում, փաստում է՝ ճանաչումն անխուսափելի է»,- նշեց Էնֆիաջյանը։

Նա ընդգծեց, որ Քնեսեթում տեղի ունեցածը մեծ ձեռքբերում է համարում. դա փաստում է, որ տարբեր կազմակերպությունների և անհատների ջանքերը, ուղղված Ցեղասպանության ճանաչմանը, ի վերջո, հասնելու են տրամաբանական հանգուցալուծման: