Ապշած եմ քաղաքապետի սառնասրտության վրա. ավագանու անդամ

Երևանի ավագանու նիստում այսօրվա միջադեպի վերաբերյալ արդեն ընդմիջումից հետո ելույթով հանդես եկավ ավագանու ՀՀԿ-ական ներկայացուցիչ Հասմիկ Սարգսյանը: Նա նշեց, որ զարմացած է Երևանի քաղաքապետ Տարոն Մարգարյանի սառնասրտությունից, թե ինչպես է տանում «Երկիր ծիրանի»-ի անդամների ներկայությունը: Սարգսյանի խոսքով` եթե ինքը լիներ քաղաքապետի փոխարեն, չգիտի` կկարողանա՞ր շարունակել վարել նիստը:

«Որպես քիմիկոս` կարող եմ ասել, որ «Երկիր ծիրանի»-ի բերած նյութը նաև H2S էր պարունակում, այլապես մենք այսքան վատ չէինք զգա մեզ: Ինչքան սատանայական ուժ է դրված ձեր մեջ: Հույս ունեմ, որ մենք սառնասրտորեն սատանայական ուժին մեր դրախտային կերպարով կկարողանանք դիմակայել»,- ասաց Սարգսյանը` հավելելով, որ «Երկիր ծիրանի»-ի արածն ահաբեկչություն է երևանցու հանդեպ: