Սոթք-Քարվաճառում և Ծաղկաձորում մեքենաները ձյան մեջ են արգելափակվել

Հունվարի 31-ին, ժամը 09:05-ին ահազանգ է ստացվել, որ Սոթք-Քարվաճառ ավտոճանապարհին Toyota Ipsum մակնիշի ավտոմեքենան արգելափակվել է ձյան մեջ. անհրաժեշտ է փրկարարների օգնությունը

Դեպքի վայր է մեկնել մեկ մարտական հաշվարկ:

Փրկարարները «Կապավոր ՃՇՇ» սահմանափակ պատասխանատվության ընկերության աշխատակիցների հետ համատեղ արգելափակումից դուրս են բերել 20 բեռնատար և 35 մարդատար ավտոմեքենա (80 ուղևոր):

Փրկարարներն իրականացրել են հերթապահություն:

Հունվարի 31-ին, ժամը 03:29-ին ահազանգ է ստացվել, որ Կոտայքի մարզի Ծաղկաձոր քաղաքի «Գոլդեն Փելիս» հյուրանոցի մոտակայքում ավտոմեքենան արգելափակվել է ձյան շերտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն արգելափակումից դուրս են բերել «Kia Sorento» մակնիշի 89 AA 898 պետհամարանիշով ավտոմեքենան:

Հունվարի 31-ին, ժամը 17:38-ին տեղեկություն է ստացվել, որ Արագածոտնի մարզի Ռյա Թազա գյուղի մոտակայքում ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները Ռյա Թազա գյուղի գերեզմանատան մոտակայքից արգելափակումից դուրս են բերել «ՎԱԶ-2101» մակնիշի 34 OR 173 պետհամարանիշով ավտոմեքենան: 

ԱԻՆ մամուլի ծառայություն