«Պետական փաստաթղթում սխալ թույլ տալու իրավունք». Ֆրանսիայում նոր օրենք է ընդունվել

Ֆրանսիայում պատգամավորների քվեարկությամբ նոր օրենք է ընդունվել, համաձայն որի` քաղաքացիներն իրավունք կունենան իշխանությունների հետ հարաբերություններում «սխալվելու»:

Ըստ Demokrathaber-ի՝ օրենքի շրջանակներում ներկայացված օրինակի համաձայն՝ եթե ֆրանսիացին հարկերի մուծման փաստաթղթում անգիտակցաբար սխալմունք է գրանցել և  հետագայում կարողացել է իր սխալմունքը բացատրել, ապա նրան պատիժ չի հասնի:

Նոր օրենքի համաձայն՝ քաղաքացիներն անգիտակցաբար սխալվելու դեպքում չեն պատժվելու: Սակայն «ներումը» լինելու է ընդամենը մեկ անգամ՝ առաջին սխալմունքի դեպքում:

Այս օրենքը եղել է Մակրոնի նախագահական ընտրությունների շրջանակներում տված խոստումների թվում: